BONEZA KWIZERA KWAWE

Mu butumwa bwa Zekariya, Imana ntiyahamagariye gusa ubwoko bwayo kujya mu mugi cyangwa mu ngoro ye ahubwo Ibabwira kugarura imitima yabo mu isengesho aho bahurira n’Imana. Ubutumwa bwe bw’ibanze ni uko abantu nibagarukira Imana, Imana nayo izagarukira abantu. Igitabo cya Zekariya ni kimwe mu bitabo by’ubuhanuzi by’ingenzi, bikubiyemo ubuhanuzi burambuye bwa Mesiya uzaza kuruta ibindi bitabo ibyo aribyo byose, uretse icya Yesaya. Zekariya yahanuye ko Imana izaha Umwuka wayo Wera ubwoko bwayo kandi ikabuha umugisha iteka ryose.